Karantın: 324 atyraýlyqqa aıyppul salyndy
ATYRAÝ. QazAqparat –Atyraý qalasynyń 324 turǵynyna karantın talaptaryn buzǵany úshin aıyppul salyndy, dep habarlaıdy QazAqparat.
Atyraý qalalyq prokýratýrasynyń málimetinshe, karantındik shekteý sharalarynyń uzartylǵanyna qaramastan keıbir turǵyndar tarapynan bul talaptyń saqtalmaıtyny anyqtalyp otyr.
«Shekteý sharalary kezeńinde 324 tulǵa aıyppul jazasyna tartyldy. Tek, ótken aptanyń ishinde túrli is-sharalardy ótkizýmen baılanysty 32 quqyq buzýshylyq anyqtaldy. Onyń ishinde meıramhanalarda 8 saltanatty shara, túńgi mezgilde jumys istegen 13 kafe-bar, bas memlekettik sanıtarııalyq dáriger tyıym salǵan 3 nysan (kınozal, kompıýter klýbtary) bar.
Atyraý qalalyq prokýratýrasy koronavırýstyq ınfektsııanyń aldyn alý maqsatynda barlyq azamatty shekteý sharalaryn saqtaýǵa shaqyrady. Sondaı-aq, shekteýlerdi buzǵan jaǵdaıda qyzmetin toqtatýǵa deıin ákimshilik jaýapkershilik baryn eskertedi» -dep habarlady Atyraý qalalyq prokýroratýrasynan.
Eske sala ketelik, buǵan deıin Atyraýda 1600 reıdtik tekserý júrgizilgenin jazǵan bolatynbyz.
