Qaramaǵyndaǵylardy uryp-soqqan jelilik polıtsııa bóliminiń basshysy jumystan bosatyldy
NUR-SULTAN. QazAqparat – Elordada qalalyq kóliktegi polıtsııa departamenti Nursultan Nazarbaev áýejaıyndaǵy jelilik polıtsııa qyzmetkerleriniń oqıǵasyna jaýap qatty, dep habarlaıdy QazAqparat tilshisi.
Buǵan deıin áleýmettik jelide «elorda áýejaıynyń jelilik polıtsııa bóliminiń bastyǵy áriptesin uryp-soqty» degen vıdeo taraǵan edi.
Kóliktegi polıtsııa departamenti qyzmettik tekserý júrgizdi.
«Kóliktegi polıtsııa departamentiniń buıryǵymen Jelilik polıtsııa bóliminiń basshysy jáne onyń Kadr saıasaty jónindegi orynbasary qyzmetinen bosatyldy.Sonymen qatar jelilik polıtsııanyń basshylyq qyzmettegi qyzmetkerlerine de qatysty tártiptik sıpattaǵy sharalar qabyldandy», - dep habarlady Nur-Sultan qalasynyń polıtsııa departamenti.
«Kóliktegi polıtsııa departamentiniń basshylyǵy bul jaǵdaıdy óreskel jáne qolaısyz dep sanaıtynyn habarlaıdy. Qyzmettik-áskerı tártipti buzatyn basshylar men qyzmetkerlerden óz qataryn tazartý qaǵıdatyn ustanady» - delingen habarlamada.
