Qaramaǵyndaǵylardan aqsha alǵan «Qazaqstan temir jolynyń» laýazymdy tulǵasy ustaldy
NUR-SULTAN. QazAqparat – «Qazaqstan temir joly» UK laýazymdy tulǵasy ustaldy. Bul týraly QazAqparat Sybaılas jemqorlyq agenttigine silteme jasap habarlaıdy.
«Sybaılas jemqorlyqqa qarsy qyzmet QR Bas kólik prokýratýrasymen birlesip júrgizilgen is - sharalardyń nátıjeleri boıynsha «QTJ» «UK» AQ – «Magıstraldyq jeli dırektsııasy» fılıalynyń Jol jáne qurylystar departamentiniń dırektoryn ustady. Ol uzaq ýaqyt boıy júıeli negizde qyzmeti boıynsha jalpy qamqorlyǵy úshin aýmaqtyq bólimshelerdiń basshylarynan aqshalaı qarajat alǵan. Barlyǵy 5 mln teńgeden astam qarajat alyndy. Sottyń sanktsııasymen kúdikti qamaýǵa alyndy. Kinálilik týraly túpkilikti sheshimdi sot anyqtaıdy.», - delingen habarlamada.
Ózge aqparat tergeý múddesinde jarııa etýge jatpaıdy.
