«Qaraly qańtar»: QR ІІM oqıǵa kýágerlerine úndeý jasady
«Eger sizde foto jáne vıdeomaterıaldar bolsa, onda ony qupııalylyq sharttarymen arnaýly saıtqa jibere alasyz. Siz bir ótinim arqyly jiberiletin faıldyń eń joǵary kólemi 100 MB mólsherinde 5 faılǵa deıin jiberý múmkindigińiz bar», - delingen mınıstrliktiń habarlamasynda.
Sonymen elimizdiń barlyq aýmaǵynda oryn alǵan oqıǵalar kezinde túsirilgen adamdardyń jınalýy men sherýi, jappaı tártipsizdik, qarý qoldaný, bılik ókilderine (onyńishinde polıtsııa qyzmetkerlerine, áskerı qyzmetshilerge jáne taǵy basqalaryna) shabýyl jasaý jáne soqqyǵa jyǵý, lýazymdyq ókilettigin asyra paıdalaný, ákimshilik ǵımarattarǵa shabýyl jasaý, ákimshilik ǵımarattardy basyp alý, arnaýly kólik quraldaryn basyp alý, múlikti qıratý jáne tonaý vıdeolaryn Іshki ister mınıstrligine jiberýge bolady.
Azamattardyń yńǵaıy úshin arnaýly saıtqa kelesi joldarmen ótýge bolady:
1) «102» mobıldik qosymshasy. Foto/vıdeomaterıaldar jolaǵyna 5 faılǵa deıin júkteýge bolady. Faıldardyń kólemi 100 MB-tan aspaýy kerek. Jpeg, jpg, png, gif, tiff, bmp, heic, heif, MP4, MOV, WMV, AVI, AVHCD, FLV, F4V, MKV, WEBM, VOB, H.264, MotionJPEG (MJPEG) formatyndaǵy faıldar qabyldanady.
2) QR ІІM Telegram-bot. «Tártipsizdikterge qatysty foto/vıdeo jóneltý» túımesin basqan kezde saıt siltemesi men ótý túımesi ashylady.
3) QR ІІM paraqshasyndaǵy VK-bot. QR ІІM paraqshasynan jeke habarlandyrýǵa ótý jáne «Tártipsizdikterge qatysty foto/vıdeo jóneltý» túımesin basý qajet. Sonda saıt siltemesi men ótý túımesi ashylady.
4) QR ІІM saıtynyń oń jaq tómengi buryshynda ornalasqan vıdjet. «Tártipsizdikterge qatysty foto/vıdeo jóneltý» túımesin basý qajet.
