17:07, 22 Qańtar 2022 | GMT +6
Qaraly qańtar: Almaty ákimdigi oqıǵa bolǵan jerge eskertkish ornatýǵa konkýrs jarııalady
ALMATY. QazAqparat - Almatyda qańtardyń qaıǵyly oqıǵalaryna arnalǵan eskertkish ornatylady. Qala ákimdigi eskertkish nysanynyń qurylys tujyrymdamasyna konkýrs jarııalady, dep habarlaıdy QazAqparat tilshisi.
Qalalyq Josparlaý jáne ýrbanıstıka basqarmasy ashyq konkýrsqa ótinimderdi búginnen bastap 2022 jyldyń 10 aqpanyna deıin qabyldaıdy.
Baıqaýǵa jeke avtorlar da, shyǵarmashylyq ujymdar da qatysa alady.
Memleket basshysynyń Almatyǵa jaqynda jasaǵan sapary kezinde memorıaldyq keshende almatylyq oqıǵalardy máńgi este qaldyrýdy tapsyrdy.
Konkýrstyń shartyna oraı eskertkish qorshaǵan ortaǵa úılesimdi bolýy tıis.
Ony jasaǵanda sapaly materıaldardy paıdalanǵan jón.
«Konkýrs qorytyndysy boıynsha sheshimdi Almaty qalasynyń tarıh jáne mádenıet eskertkishterin qorǵaý jónindegi komıssııa qabyldaıdy.Eskertkish Sátbaev kóshesiniń ońtústigi men Nazarbaev dańǵylynyń batysyna qaraı qalalyq ákimdik janyndaǵy skverde ornatylady dep boljanýda.Qosymsha aqparatty Almaty q., Abaı dańǵyly 90, (3-qabat) mekenjaıy nemese 8 (727) 240-80-00 telefony boıynsha alýǵa bolady», - dep málim etti ákimdik baspasóz qyzmetinde.
Eske sala keteıik, Almaty ákimi Baqytjan Saǵyntaev qańtar qyrǵynynda kóz jumǵandardyń qurmetine panteon salynatynyn aıtqan bolatyn.
