Qaraly habar estigen saıyn júregim aýyrady - Gúlmıra Quttybadamova
NUR-SULTAN. QazAqparat - Qazaq ulttyq óner ýnıversıtetiniń professory, Qazaqstannyń eńbek sińirgen qaıratkeri Gúlmıra Quttybadamova koronavırýs indetinen qaza tapqandardyń týǵan-týystary men jaqyndaryna kóńil aıtty, dep habarlaıdy QazAqparat tilshisi.
«Qaza bolǵandar jaıly qaraly habar estigen saıyn júregim aýyrady. Tanystarymmen, beıtanys jandarmen ishteı baquldasyp otyrmyn. Kózimnen aqqan jas toqtar emes. Dostarym, tanystarym da aýyryp jatyr. Týystaryn, jaqyndaryn aqtyq saparǵa attandyrǵandar kóp. Biz osynaý atyń óshkir indetpen soǵysta júrmiz. Týǵan-týysqandarynan aırylǵan barlyq janǵa shynaıy kóńil aıtyp, halqymnyń, Qazaqstanymnyń basyna túsken qaıǵymen bólisemin», - dedi Gúlmırv Quttybadamova.
Aıta keteıik, elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shilde– Ulttyq aza tutý kúni dep jarııalaıtynyn málim etken bolatyn. Tıisti ókimge Memleket basshysy 9 shilde kúni qol qoıdy.
