Qaraqum arqyly halyqaralyq rallı ótedi
ASTANA. QazAqparat - QR-daǵy Túrikmenstan elshiligi Túrikmenstan telearna, radıo habar taratý jáne kınematografııa memlekettik komıtetimen birlesip, Astanada «Amýl - Hazar-2018» halyqaralyq avtorallı tanystyrylymyn ótkizdi.
«Azııanyń medıa dıalogy» forýmy aıasynda ótken «Radio Asia» konferentsııasy kezinde spıkerler osy sporttyq merekege daıyndyq boıynsha júrgizilip jatqan jumystar men avtojarystyń qıyndyǵy týraly aıtty.
Halyqaralyq jarys Túrikmenstanda 2018 jyldyń 11-15 qyrkúıeginde Amýl - Hazar baǵyty boıynsha ótip jatyr.
Ámýdarııa jaǵalaýynan bastap Kaspıı teńizine deıin jalǵasatyn jarystyń qashyqtyǵy 1 158 shaqyrymdy quraıdy. Marshrýttyń basym bóligi Qaraqum arqyly ótetindikten, bul túrli elderdiń qatysýshylary úshin mańyzdy synaq bolmaq.
