Qaraqulja jaılaýynda aıýlar bir otar qoıdy jaıratyp ketti
BІShKEK. QazAqparat - Osh oblysyn aýma Qaraqulja aýdanynda aıýlar 67 qoıdy jaıratyp salǵan. Bul týraly aýdandyq jaıylym komıteti málim etti, dep habarlaıdy Kabar.
Naqty derekterge qaraǵanda, 22 shilde kúni Oktıabr aýyly mańyndaǵy Beshterek jaılaýynda jergilikti turǵyn Sabırjanýýlý Kýshtarbektiń qoılaryna eki aıý shapqan.
Olar 67 qoıdy jaıratyp saldy. Jaqyndap qalǵan jyrtqyshtardan qatty qoryqqan shopan tura qashqan. Qyrsyq shalǵanda, qulap esinen tanyp qalady. Abyroı bolǵanda túz taǵylarynyń onymen isi bolmaǵan. Qazirgi tańda shopannyń qolyn syndyryp alǵany belgili boldy.
Osy aqparattan keıin jergilikti bılik ókilderi aýyl turǵyndarymen túsindirý jumystaryn júrgizdi. Budan bólek, aıýlardy jaılaýdan alysqa qýyp jiberý týraly tapsyrma berildi.
