Qaraqshylyq jasap, adam óltirgen shymkenttik 19 jylǵa sottaldy

ShYMKENT. QazAqparat – Shymkentte qaraqshylyq jasap, adam óltirgen turǵyn uzaq merzimge sottaldy. Qalalyq qylmystyq ister jónindegi aýdanaralyq soty aıyptalýshyny 19 jylǵa bas bostandyǵynan aıyrdy, dep habarlaıdy QazAqparat tilshisi.

Atalǵan sottyń málimetinshe, N. Berdibekov QK 99-baby 2-bóligi 8-tarmaǵymen jáne 192-baby 3-bóligi 2-tarmaǵymen kináli dep tanylyp, oǵan túpkilikti bas bostandyǵynan aıyrý jazasy taǵaıyndalǵan. Sotta anyqtalǵandaı, N. Berdibekov mamyr aıynda keshki saǵat 17:06 shamasynda kópqabatty úıdegi páterge urlyqqa túsedi. Sóıtip, jábirlenýshige kúsh qoldanǵan.

«Ol ózimen birge ala kelgen asúı pyshaǵymen K. Abdýllaevanyń keýdesinen jáne ish qýystarynan segiz ret soqqylaǵan. Ómirlik mańyzdy múshelerin, ıaǵnı ishki aǵzalaryn zaqymdaǵan. Ony óltirip, úıinen 2 mln 125 myń teńgeni jymqyrǵan. Ázirge úkim zańdy kúshine engen joq» delingen habarlamada.