Qaraqshylyq shabýyl jasaǵan kúdikti Reseıden ekstradıtsııalandy
PAVLODAR. QazAqparat - Qazaqstanda qaraqshylyq shabýyldar uıymdastyrdy dep kúdik keltirilip, Reseıde boı tasalap júrgen azamat Qazaqstanǵa ekstradıtsııalandy jáne ol sottyń qaraýyna berildi, dep habarlaıdy QazAqparat.
2016 jyly Pavlodarda birqatar qaraqshylyq shabýyldar jasalyp, qoǵam arasynda úlken rezonans týdyrǵan bolatyn, dep habarlady oblys prokýratýrasyndaǵylar. Qylmystyq toptyń 6 múshesi qolǵa tústi. Olarǵa 3,5-nan 14 jylǵa deıin bas bostandyǵynan aıyrý jazasy taǵaıyndaldy. Úkim zańdy kúshine endi.
Qylmystyq toptyń músheleriniń biri qylmys jasaǵan soń polıtsııadan boı tasalap, oǵan izdeý jarııalanǵan bolatyn. Reseıdiń quqyq qorǵaý organdarymen yntymaqtasa atqarǵan jumystardyń arqasynda izdeýde jurgen adam Altaı Respýblıkasynan tabyldy.
2016 jyldyń jeltoqsanynda ol Qazaqstan aýmaǵyna ekstradıtsııalandy. Kúdiktige asa iri kólemde shyǵyn keltirgen qaraqshylyq shabýyl uıymdastyrdy jáne adam ómirine qaýip tóndirmeıtin kúsh qoldana otyryp tonaý áreketine bardy, degen aıyp taǵylyp otyr.
Atalǵan áreketter úshin taǵaıyndalatyn eń joǵarǵy jaza mal-múlkin tárkileı otyryp, 1,5 jylǵa bas bostandyǵynan aıyrýdy qarastyrady. Qylmystyq is aıaqtaldy, aıypty adam sotqa berildi, dep habarlady Pavlodar oblysynyń prokýratýrasydaǵylar.
