Qaraqshylyq shabýyl jáne tonaýmen aınalysqan qylmystyq top ustaldy
ASTANA. 8 qarasha. QazAqparat /Rýslan Ǵabbasov/ - Qaraqshylyq shabýyl jáne tonaýmen aınalysqan qylmystyq top ustaldy. Bul týraly búgin dástúrli aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
«Arnaıy operatsııany ótkizý barysynda Almatyda 23-27 jas aralyǵyndaǵy ShQO-nyń 6 turǵynynan quralǵan qylmystyq top quryqtaldy. Polıtsııa qyzmetkerleriniń málimetine qaraǵanda, bul toptyń qaraqshylyq shabýyldar men tonaý sekildi qylmystar jasýǵa mamandanǵany anyqtalyp otyr»,-dedi Q. Jumanov. Atap aıtqanda, bıylǵy mamyrda olar betperde kıip, valıýta aıyrbastaý pýnktteriniń birine qarýmen kirip, 8 mıllıon teńgeni alyp ketken. Munymen qosa, qyrkúıekte kúdiktiler bankten iri kólemde aqsha alyp jatqan 60 jastaǵy jergilikti turǵyndy ańdyp, kúsh qoldaný arqyly odan 700 myń teńgeni tartyp alǵan. «Ustalǵandar osyǵan uqsas 7 qylmys jasaǵandaryn moıyndady. Qazirgi ýaqytta olar ýaqytsha ustaý ızolıatoryna qamaýǵa alynyp, tergeý amaldary júrgizilýde»,-dedi Q. Jumanov.
