Qaraqshylyq shabýyl úshin izdeýde júrgen azamat Reseıde ustaldy - ІІM
ASTANA. 13 qańtar. QazAqparat /Gúlnár Jandaǵulova/ - 2005 jylǵy maýsymda bir top adammen Petropavl qalasy dúkenderiniń birinde 45 jastaǵy kúzetshige qaraqshylyq shabýyl jasaǵany úshin izdeýde júrgen 30 jastaǵy Qazaqstan azamaty Reseıdiń Ekaterınbor qalasynda ustaldy.
Qazir ony Qazaqstanǵa ekstradıtsııalaý máselesi sheshilýde. Bul týraly QR Іshki ister mınıstrligi Qylmystyq polıtsııa komıtetiniń baspasóz qyzmetinen habarlady.
«Soltústik Qazaqstan oblysy Іshki ister departamentiniń qylmystyq polıtsııasy qyzmetkerleri men Sverdlovsk Іshki ister bas basqarmasy quqyq qorǵaý organdarynyń birlesken arnaıy operatsııasy nátıjesinde, 2005 jylǵy maýsymda bir top adammen Petropavl qalasy dúkenderiniń birinde 45 jastaǵy kúzetshige qaraqshylyq shabýyl jasaǵany úshin izdeýde júrgen 30 jastaǵy Qazaqstan azamaty ustaldy»,- delingen habarlamada.
