Qaraqshylar satýshy men kúzetshini taıaqqa jyǵyp, 2 mln rýbldiń buıymdaryn alyp ketti
ASTANA. QazAqparat - Belgisiz bireýler Máskeýdegi lombardtyń satýshysy men kúzetshisin taıaqqa jyǵyp, 2 mln rýbldiń zattaryn alyp ketti, dep habarlady «Interfaks» ІІM baspasóz ortalyǵyna silteme jasap.
«27 maýsymda 10:45-te Chongar býlvary, 22 úıdegi lombardqa 4 belgisiz adam kirip kelip, pyshaqpen qorqytqan ári satýshy men kúzetshini judyryqtyń astyna alǵan. Sodan keıin shynyny syndyryp, zergerlik buıymdardy úptep ketken»,- dep málim etti baspasóz ortalyǵynyń qyzmetkeri.
Basy jarylǵan kúzetshi aýrýhanada jatyr, al satýshyǵa medıtsınalyq járdem kórsetildi.
«Materıaldyq shyǵyn 2 mln rýbldi qurap otyr. «Qaraqshylyq» baby boıynsha qylmystyq is qozǵaldy»,-deıdi vedomostvo ókili.
