Qaraqshylar polıtseılerge oq jaýdyrdy
ASTANA. QazAqparat - Reseıdegi Omby qalasynda buryn qaraqshylyq shabýyldar jasaǵan eki ury qylmystyq izdeý qyzmetkerleri men arnaıy jasaq sarbazdaryna oq jaýdyrdy.
Bul oqıǵa olardy ustaý kezinde, Okoneshnıkovskıı aýdanynyń Sergeevka aýylynda seısenbi kúni tańǵy saǵat 06:45-te bolǵan, dep málim etti Reseı ІІM Omby oblysy boıynsha basqarmasynyń bastyǵy ıÝrıı Tomchak.
Tomchaktyń sózine qaraǵanda, 1983 jáne 1985 jyly týǵan aǵaıyndylar jekemenshik úıde jasyrynyp jatqan. Ekeýi qashpaqqa árekettenip, ózderin qorshaýǵa alǵan arnaıy jasaqtyń jaýyngerleri men polıtseılerdi sholaq myltyqpen atqan. Qylmyskerlerdiń biri terezeden sekirip túsken kezde ustaldy, al ekinshisi jertóleden tabyldy. Qarý tárkilendi. Qazir olardyń kim ekendikteri jáne «krımınaldyq bıografııasy» anyqtalýda. Quqyq qorǵaý organdary qyzmetkerleriniń eshqaısysy zardap shekken joq, dep habarlaıdy ITAR-TASS.
