Qaraqshylar Nur-Sultandaǵy «Jastar» saraıynan konkı urlap ketken
NUR-SULTAN. QazAqparat – Nur-Sultan qalasyndaǵy «Jastar» saraıyna urlyqqa túsip, 6 konkıdi qoldy etken qaraqshylarǵa sot úkimi shyqty, dep habarlaıdy QazAqparat.
Qalalyq sottan málim etkendeı, bıylǵy sáýir aıynda elordanyń eki turǵyny E. jáne K. «Jastar» saraıy ǵımaratynyń terezesin syndyryp, ishinen 6 konkıdi urlap ketken. Sóıtip, 90 myń teńgege shyǵyn keltirgen.
«Sottalýshy K. buǵan deıin de urlyq úshin qylmystyq jaýapkershilikke tartylyp, №2 Almaty aýdandyq sotynyń úkimimen 3 jylǵa bas bostandyǵy shektelgen bolatyn. Jazasy tolyq ótelmegen», - delingen sot aqparatynda.
№2 Baıqońyr aýdandyq sotynyń úkimimen azamattar E. jáne K. QR Qylmystyq kodeksiniń 188-baby 3-bóligi, 3-tarmaǵy boıynsha (Urlyq) kináli dep tanyldy.
Jazany taǵaıyndaý barysynda sot jaýapkershilikti jeńildetetin jáne aýyrlatatyn mán-jaılardy eskergen. Solaısha, azamat K. 3 jyl 1 aıǵa bas bostandyǵynan aıyryldy. Jazany qylmystyq-atqarý júıesiniń qaýipsizdik deńgeıi ortasha mekemesinde óteıtin bolady.
Azamat E.-nyń bostandyǵy 2 jyl 6 aıǵa shekteldi. Sondaı-aq ol jaza merzimi aıaqtalǵanǵa deıin jyl saıyn 100 saǵattan májbúrli eńbekke tartylatyn bolady. Probatsııalyq baqylaý belgilendi.
Úkim zańdy kúshine endi.
