Qaraqshylar elordadaǵy «Sálem» bazarynyń kúzetshisin soqqyǵa jyǵyp, 600 myń teńgeniń múlkin urlar ketti
ASTANA. Aqpannyń 23-i. QazAqparat /Aıdar Ospanalıev/ - Aqpannyń 14-i kúni belgisiz bireýler «Sálem» bazarynyń kúzetshisin soqqyǵa jyǵyp, qarýly qaraqshylyq shabýyl jasaǵan. Urylardy tártip saqshylary aqpannyń 16-sy men 18-i aralyǵynda júrgizilgen arnaıy jedel-saýyqtyrý sharasy barysynda qolǵa túsirdi,
dep habarlaıdy QazAqparat.
Astana qalalyq Іshki ister departamenti qyzmetkerleriniń málimetteri boıynsha, qaraqshylar kúzetshini baılap tastap, quny 600 myń teńgeniń taýaryn alyp ketken. Al aqpannyń 18-i kúni jedel-izdestirý sharasy barysynda 20 jas shamasyndaǵy 3 adamnan turatyn qylmystyq top ókilderi qolǵa túsip, olar Astanadaǵy ýaqytsha ustaý ornyna qamaldy. Sondaı-aq jedel-saýyqtyrý sharasy kezinde elordada avtokólikterdiń dońǵalaqtaryn urlaýmen aınalysqan 22 jáne 25 jas aralyǵyndaǵy urylar qolǵa tústi.
