Qaraqshylar «Aqtóbe» fýtbol komandasynyń oıynshysyn soqqyǵa jyqqan
ASTANA. 14 tamyz. QazAqparat - Fýtboldan «Aqtóbe» komandasynyń oıynshysy Emıl Kenjesarıev Almaty aýrýhanalarynyń birinde es-tússiz jatqanyn alaman.kz habarlaǵan. Búgin «Alaman» tilshisine belgili bolǵandaı, fýtbolshy tańerteń esin jıǵan. Fýtbolshyny qalada belgisiz bireýler uryp-soǵyp ketken edi.
Emıl Almatyǵa páter alýǵa kelgen. Aqparattarǵa súıensek, fýtbolshynyń qolynda qomaqta qarjy bolǵan. Qazir qylmyskerlerdi izdestirý sharalary júrip jatyr.
Al «Aqtóbe» komandasynyń bas bapkeri Vladımır Nıkıtenko «Kenjesarıev pen komanda múshelerine seısenbige deıin demalys bergenmin. Qazir komanda jattyǵýdy bastady. Al Kenjesarıevke kómekke komandanyń dárigerleriniń biri ketti» dep málimdedi.
