Qaraqshy 3,2 myń dollar turatyn gaýhar tasty júzikti jutyp qoıdy
ASTANA. 15 sáýir. QazAqparat - Amerıkanyń Nıý-Gempshır shtatynyń polıtseıleri zergerlik dúkende 3,2 myń AQSh dollar turatyn neke júzigin urlamaq bolyp, ony jutyp qoıǵan er adamdy ustady.
Polıtsııanyń málimetinshe, 52 jastaǵy Ronald Perlı zergerlik buıymdar dúkenine kelip, satýshydan neke júzigin kórsetýdi ótingen. Beınebaqylaý kameralarynan Perlı gaýhar tasy bar aq altynnan jasalǵan júzikti tańdap alǵandyǵyn, ony qolyna alyp, keıin alaqanyn aýzyna jaqyndatyp, dúkennen shyǵyp ketkendigin kórýge bolady.
Qaskóı senbi kúni ustaldy. Ol dereý rentgenge jiberilip, urlanǵan zat onyń asqazanynda jatqandyǵy rastaldy. Associated Press-tiń habarlaýynsha, er adamǵa júzikti urlaý jáne aıǵaqty zattardyń jalǵandyǵy boıynsha aıyptar taǵyldy. Ol 50 myń dollarǵa ýaqytsha kepilge shyǵaryldy.
