05:18, 24 Shilde 2019 | GMT +5
Qaraqııada tabylǵan adam qańqasy saraptamaǵa jiberildi
AQTAÝ. QazAqparat – Mańǵystaý oblysynyń polıtseıleri Qaraqııa oıpatynda tabylǵan adam súıekteri kimge tıesili ekendigin jáne onyń óliminiń mán-jaıyn anyqtaıtyn bolady, dep habarlaıdy QazAqparat tilshisi.

«Qazirgi ýaqytta máıittiń fragmentteri sot-medıtsınalyq saraptamaǵa jiberildi. Atalmysh fakti QR QK-niń 001-baby (kisi ólimi) boıynsha tirkeldi», - dedi Mańǵystaý oblystyq Polıtsııa departamenti ishki jáne syrtqy kommýnıkatsııa bólimi basshysynyń mindetin atqarýshy Áıgerim Ibatýllaeva.
Aıta ketsek, paleontolog Vladımır ıArtsev 21 shilde kúni Qaraqııa oıpatyna kezekti sapary barysynda adam qańqasyn taýyp alǵan bolatyn. Ol týraly birden polıtsııaǵa habarlaǵan.
«Qańqanyń barlyq bólikteri jerlenbegen, jer betinde jatty. Menińshe, olardy jabaıy janýarlar tasyp tastaǵan», - deıdi maman.