Mańǵystaý oblysynda prokýrordyń aktisi boıynsha «Sý tuşytý» zaýytynyń qurylysy bastaldy

AQTAÝ. KAZINFORM – Mańǵystaý oblysy Qaraqııa aýdany prokýratýrasynyń qadaǵalaý aktisi negizinde aýdan ákimdigimen ınvestorǵa, ıaǵnı «Aleka» JShS-ne táýligine 5000 m³ aýyz sý óndiretin zaýytyn salý maqsatynda Quryq aýylynda 5 ga jer ýchaskesi berildi.

Mańǵystaý oblystyq prokýratýrasy baspasóz qyzmetiniń habarlaýynsha, qazirgi tańda, «Sý tuşytý» zaýytynyń 20 uńǵymasy qazylyp, sýdyń tuzdylyǵyn tekserý jumystary júrgizilýde.

Buǵan deıin, aýyl turǵyndaryn Aqtaý qalasynda ornalasqan «Kaspıı» sý tuşytý zaýyty» JShS aýyz sýmen qamtamasyz etip kelgen.

Jyl saıyn jaz mezgilinde aýyz sýdyń jıi bolmaýy turǵyndardyń narazylyǵyn týdyrǵan.

Osyǵan deıin Býrabaı aýdanynyń ákimdigi men máslıhaty eldi mekenderdiń shekarasyn keńeıtý týraly sheshim qabyldap, Býrabaı kenti, Şýchınsk qalasy jáne Býrabaı aýdanynyń ákimderi Ulttyq park aýmaǵynan jer telimderin zańsyz bólgeni týraly habarladyq.