Qaraqııa turǵyny kalıfornııalyq shylaýshyn ósirýmen aınalysady

AQTAÝ.QazAqparat – Mańǵystaý oblysy Qaraqııa aýdanyna qarasty Quryq aýylynyń turǵyny Jumabek Bólekbaev kalıfornııalyq shylaýshyn ósiredi, dep habarlaıdy QazAqparat tilshisi.

Ol kalıfornııalyq shylaýshyndy tórt túlik maldyń kóńimen baptaý arqyly bıogýmýs organıkıkalyq tyńaıtqyshtaryn alyp otyr. Jer tyńaıtýǵa arnalǵan qyzylqurt ósirý arqyly óz kásibin damytqan.

Aýyl turǵyny 2022 jyly 4000 lıtrden asa ónim alǵan. Al bıyl 6000 lıtrden asyryp ónim alýdy josparlap otyr.

«Kalıfornııalyq qyzyl qurt – úı janýary sııaqty zııany joq jándik. Ósimdik qaldyqtarynyń barlyǵymen qorektenip, ony qara shirindige aınaldyrady. Shylaýshynnyń ónimi - bıogýmýs kez kelgen egin men baý-baqshany jaıqaltyp jiberedi, dıqan ónimdi eselep alady. Ásirese, jylyjaı eginderi men gúlge berý óte paıdaly. Mundaı tyńaıtqysh berilgen jer tórt jylǵa deıin óziniń joǵary qunarlylyǵyn saqtaıdy», - dedi Jumabek Bólekbaev.