Qaraqııa aýdanynyń turǵyndary Bozjyra týrıstik kesheniniń salynýyn qoldaıdy - Mańǵystaý

AQTAÝ. QazAqparat - Qaraqııa aýdanynyń turǵyndary «Bozjyra» shatqalynan 4 shaqyrym jerde vızıt ortalyqtyń salýyna qarsy emes, dep habarlaıdy QazAqparat tilshisi.

Buǵan deıin Mańǵystaý oblysynyń Quryq aýylynda «Vızıt ortalyǵy» jumys jobasynyń «Qorshaǵan ortaǵa áserin baǵalaý» bólimi boıynsha ashyq otyrys nysanyndaǵy qoǵamdyq tyńdaý ótkenin habarlaǵan bolatynbyz.

Olardyń pikirinshe, bul joba aýdannyń áleýmettik ekonomıkalyq damýyna tyń serpin beredi jáne jańa jumys oryndarynyń ashylýyna tyń serpin beredi.

«Men Quryq aýylynyń turǵynymyn. Qazir osy aýyldyń jastarynyń atynan sóılep turmyn. Bizge Bozjyrada týrıstik keshenniń salynýy qajet. Sebebi bul joba aýylymyzdaǵy jumyssyz jastar úshin kerek. Olarǵa jaqsy kómek bolar edi. Eger joba halyqtyń surap otyrǵanyndaı júzege asyrylatyn bolsa, bul úlken múmkindik dep oılaımyn», - deıdi Qaraqııa aýylynyń turǵyny Serik Jaqsylyqov.

«Bozjyra» degen bala kezimizden kórip kele jatqan shatqal. Búgingi tańda bul tańǵajaıyp jer zaman aǵymyna saı týrısterdiń qyzyǵýshylyǵyn arttyryp otyr. Nege osyndaı múmkindikti paıdalanyp biz keń baıtaq jerimizdiń tarıhı-mádenı jerlerin dúıim jurtqa pash etpeske. Jobany júzege asyrsa jańa jumys oryndary ashylady dep jatyr. Eger jergilikti turǵyndardyń áleýetin kóteretin baǵytta jumys júrgizse biz bul jobany qoldaımyz», - dedi Quryq aýylynyń aqsaqaly Erjan Beknııazov.