Qaraqııa aýdanynyń ákimi Bozjyraǵa qatysty: Jer bólý qoǵamdyq tyńdaý arqyly ótedi

AQTAÝ. QazAqparat - Mańǵystaý oblysynyń Qaraqııa aýdanynyń ákimi Qydyrberdi Bekov Mańǵystaýdyń eń jarqyn sımvoly — Bozjyra shatqalynda qurylys júrgizý máselesine qatysty pikir bildirdi.

«Bul qoǵamda keń talqylaýǵa túsip jatqan negizgi suraqtardyń biri. Bozjyra shatqaly oblys ortalyǵynan 300 shaqyrym jerde ornalasqan. Jalpy, týrızmdi damytý máselesi aýdanda, oblysta qarqyn alyp kele jatyr. Búgingi kúni Bozjyra shatqalynda tıisti jumysshy toby basynda júr. Biz qonaq úılerdi qaıda salamyz, býtık otelderdi qaıda ornalastyramyz degen baǵytta jumystar bastalyp ketti. Biraq qurylys júrip jatqan joq. Búginde ınvestor tarapynan jer bólý máselesi jóninde ótinish kelip tústi. Ony qarastyryp jatyrmyz. Árıne, jer bólý máselesi, qurylys jumystaryn salý qoǵamdyq tyńdaý arqyly júrgiziletin bolady»,-dedi Qydyrberdi Bekov.

Aıta keteıik, Berik Ýálı Bozjyraǵa qatysty Prezıdent tapsyrmasyna túsinik berdi.

Al, buǵan deıin Bozjyrada qurylys jumystary bastaldy degen áńgime qoǵamda qyzý talqylanǵan bolatyn.