«Qaraqat» mektep-stýdııasynyń 1 jyldyǵyna arnalǵan «Biz 1 jasqa toldyq » atty merekelik keshi bolady -Astana
ASTANA. Mamyrdyń 7-si. QazAqparat - Erteń, mamyrdyń 8-inde L.N. Gýmılev atyndaǵy Eýrazııa ulttyq ýnıversıtetiniń kontserttik zalynda «Qaraqat» mektep-stýdııasynyń 1 jyldyǵyna arnalǵan «Biz 1 jasqa toldyq » atty merekelik keshi bolady. Bul týraly mektep-stýdııanyń uıymdastyrý komıtetinen habarlady.
Kontserttik keshtiń mindeti - mektep-stýdııa qabyrǵasynda ónerge tárbıelenip kelgen ónerpazdardyń 1 jyl ishindegi shyǵarmashylyǵyn dáripteý.
Jalpy dástúrli án men estradalyq vokal boıynsha kásibı mýzykalyq turǵyda bilim beretin «Qaraqat» mektep-stýdııasynyń 40-qa jýyq shákirtteri bar. Dástúrli án klasy, estradamen án salý klasy jáne dombyra, jetigen aspaptary klastarynan bilim alyp otyrǵan ónerpazdar sahna tórinde dáýlesker kúıshi babalarymyzben jáne attary ańyzǵa aınalǵan sal-serilerdiń týyndylaryn kórermen nazaryna usynatyn bolady.
«Qaraqat» mektep-stýdııasynyń maqsaty- jas urpaqty ulttyq óner rýhynda tárbıeleý arqyly ult ónerine degen qurmetin jáne qyzyǵýshylyǵyn oıatý.
