Qaraqat Ábildına sal aýrýynan aıyǵyp kele jatqan 4 jasar qyzdyń tusaýyn kesti (FOTO)
Sebebi, osy ortalyqta qalǵan 18 balamen birge úsh aı em qabyldaǵan alty jasar Arnur men 4 jastaǵy Aıaýlym saýyqtyrý sharalaryn sátti aıaqtap, aıaqtaryn basty. Balalar tserebraldi sal (DTsP) aýrýyna shaldyqqan Arnur men Aıaýlym úshin bul alǵashqy qadamdary materıaldyq turǵyda da, moraldyq turǵyda da arzanǵa túspegeni anyq.
«Biz úshin DTsP dıagnozy bar ár balanyń basyn kótergeni, alaqanyn ashqany, táı-táı basqany - úlken jeńis. Bir sáıkestikti aıtaıyn, ortalyǵymyz endi ashylǵan kezde saýyqtyrý emderin qabyldap, eń birinshi aıaǵyn basqan bala ol Aıaýlymnyń syńary, tórt jastaǵy Araılym degen qyz bala edi. Mine, arada 1,5 jyl ótken soń Araılymnyń artynan syńary Aıaýlym erip otyr», - deıdi «Qasıetti jol» qoryna qarasty Balalardy ońaltý ortalyǵynyń dırektory Aınur Nurqojaeva.
Taǵy bir atap óterlik jańalyq, «Qasıetti jol» qaıyrymdylyq qory osy jyldyń sáýir aıynda «Tsesna-Astyq» Kontserny» JShS-men birlese otyryp, sal aýrýyna shaldyqqan balalarǵa kómektesý úshin arnaıy aktsııany qolǵa alǵan. Aktsııa sharty boıynsha, syrtynda «Balalarǵa densaýlyq syılaıyq» atty jazýy bar 400 gramdyq «Tsesna» makorondarynyń árbir satylǵan qorabynan 1 teńge qaıyrymdylyq qorǵa aýdarylyp otyrady. Sáýir aıynan beri osy aktsııa aıasynda jınalǵan 400 myń teńge Ekibastuz qalasynda turatyn bes jasar Mansurdyń Astanaǵa kelip, eki ret em alýyna jáne jatyp-turýyna jumsalǵan. ıAǵnı, tórt júz myń qazaqstandyq bar bolǵany bir dana makaron satyp alyp, osyndaı úlken saýapty iske úles qosqan.
«Búgin balalardy ońaltý ortalyǵynda úlken ıgi sharanyń kýási bolyp turmyn. Qarakóz balalarymyzdyń alǵan emderi qabyl bolyp, aıaqtaryn basyp jatqany qatty qýantyp tur. Degenmen, júrektiń óksip turǵany da jasyryn emes. Sebebi, sal aýrýyna shaldyqqan balalardy qoǵam áli de bolsa shettetip jatatyn jaǵdaılar kezdesedi. Biraq, olar da aqyl-sanasy bar, júregi bar balalar, tek densaýlyqtary saý bolmaǵany bolmasa. Sondyqtan, bizdiń mýzykalyq mektep qandaı kontsert ótkizbese de, osy balalar men ata-analaryna birinshi qatardan oryn beremiz. Men bul balalardy deni saý basqa balalardan bólip-jaryp qaramaımyn, sebebi árbir bala baqytty bolýǵa laıyq»,-deıdi 4 jastaǵy Aıaýlymnyń tusaýyn kesken ánshi Qaraqat Ábildına.
Qazaqtyń saltyn saqtap, ala jip pen qaıshyny qolyna alǵan «Tsesna-Astyq» kontsern» JShS-nyń Bas dırektory Vladımır Lıheı Arnurdyń tusaýyn kesip, kúndelikti tirlikte quny bilinbeıtin 1 teńge jazylyp ketýden úmitin úzbegen balalarǵa kóp kómektesetinin aıtty.
Al «Qasıetti jol» saýyqtyrý ortalyǵynda úsh aılyq em qabyldaǵan kezekti 20 balanyń toby qonaqtar men BAQ ókilderi úshin kontsert qoıyp, ata-analarymen birge ónerlerin kórsetti.