Qaraqat Ábildına: Bolashaǵymyzǵa beı-jaı qaraı almaıtyn azamatsha retinde daýys berdim
ASTANA. QazAqparat - Aldaǵy ýaqytta da elimizdiń damý qarqyny údeı túsetinine senimdimin. Búgin elordadaǵy saılaý ýchaskeleriniń birinde qazaq estradasynyń tanymal juldyzy Qaraqat Ábildına osylaı málim etti.
«Shyn máninde kóptep jınalǵan halyqtyń yqylasynan, kóńil-kúıinen merekeni sezinip turmyn. Saılaý biz úshin mańyzdy, sebebi bul naýqan elimizdiń erteńgi bolashaǵymen sabaqtasyp jatyr. Sondyqtan da bolashaǵymyzǵa beı-jaı qaraı almaıtyn elimizdiń azamatshasy retinde daýys berip, óz tańdaýymdy jasadym. Aldaǵy ýaqytta da elimizdiń damý qarqyny údeı túsetinine senimdimin»,-dedi ánshi.
Onyń sózinshe, turǵyndardyń kezegin kútip, kóptep jınalýy, daýys berýge talpynǵan yntasy naǵyz merekelik áserdi sezdiredi.
«Sondyqtan búgingi merekemiz jaqsy bastaldy. Halqymyzdyń daýys berý belsendiginen bolashaǵymyzdyń jarqyn ekenine senimdimin»,-dedi Qaraqat Ábildına.
