Qaraqat Ábden TMD-nyń baıqaýshylarymen kezdesti

ASTANA. QazAqparat – TMD baıqaýshylar mıssııasy shtabynyń basshysy Evgenıı Kozıak pen osy uıymnyń múshesi Alla Harchenko QR prezıdenttigine úmitker Qaraqat Ábdenniń saılaýaldy shtabynda boldy. Bul týraly QazAqparat kandıdattyń shtabyna silteme jasap habarlaıdy.

Kezdesý barysynda úmitker úgit-nasıhat naýqanynyń barysy men saılaýaldy shtabtarynyń jumysy týraly áńgimeledi. Budan bólek, óziniń saılaýaldy baǵdarlamasynyń negizgi tustaryna toqtaldy.

Buǵan deıin Qaraqat Ábden 10 qala men birneshe aýylda saılaýshylarmen kezdesken bolatyn. Aldaǵy ýaqytta kandıdat Qyzylorda, Ulytaý, Soltútstik Qazaqstan, Túrkistan jáne Jambyl oblystarynda kezdesý ótkizbek.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.