Qaraqat Ábden qaraǵandylyq saılaýshylarmen kezdesti
Qaraqat Ábdenniń saılaýaldy shtaby el aımaqtaryn aralap, úgit-nasıhat
jumystaryn belsendi júrgizip jatyr.
24 qazan kúni QR Prezıdenttigine úmitker Qaraqat Ábden elimizdiń ındýstrııalyq ortalyǵy – Qaraǵandy qalasynyń saılaýshylarymen kezdesý ótkizdi.
Qaraǵandy qalasynyń «Shańyraq» kópbalaly otbasylardy qoldaý ortalyǵynda uıymdastyrylǵan kezdesý barysynda Q.Ábden óziniń saılaýaldy baǵdarlamasyn tanystyrdy.
Kezdesýge Qaraǵandy oblysynan 100 jýyq kópbalaly ana keldi.
Turǵyndar otbasy qundylyqtaryna qatysty máselelerdi kóterip, rýhanı, mádenı-áleýmettik damý tóńireginde suraq qoıyp, naqty ótinishteri men usynystaryn aıtty.
Qaraqat Ábden ózi de kópbalaly ana retinde qazaq otbasylarynyń máselelerimen jaqsy tanys ekenin jetkizdi.
Saılaýaldy shtabtyń baspasóz qyzmeti málimdegendeı, budan buryn Qaraqat Ábden Astana mańyndaǵy Qosshy qalasy men Qoıandy aýylynyń turǵyndarymen kezdesken.
Eske salsaq, kezekten tys saılaý 20 qarasha kúni ótedi.
