Qaraqat Ábden Esik qalasynda saılaýshylarmen kezdesti

ASTANA. QazAqparat – QR Prezıdenttigine kandıdat Qaraqat Ábden Almaty oblysyndaǵy Esik qalasyna bardy. Bul týraly ol óziniń áleýmettik jelidegi paraqshasynda jazdy.

Saılaýshylarmen kezdesýge jergilikti turǵyndar, mektepke deıingi bilim berý mekemeleriniń mamandary qatysty.

Jıynda balalar qaýipsizdigi máselesi talqylandy.

Buǵan deıin Qaraqat Ábden Almaty oblysynyń Talǵar qalasynda saılaýshylarmen kezdesý ótkizgenin habarlaǵan edik.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.