Karakastaǵy Akademııa saraıyn tonap ketti
ASTANA. QazAqparat - Venesýelanyń astanasy Karakasta senbi kúni qylmyskerler toby Akademııa saraıyn tonady. Bul týraly Ońtústik Amerıka elderi ǵylym akademııasynyń basshysy Djokonda San-Blas Twitter-degi paraqshasyna jazdy, dep habarlaıdy TASS.
Karakastyń ortalyǵynda ornalasqan ǵımaratta birneshe akademııa, sonyń ishinde medıtsına, tarıh, jaratylystaný jáne saıası ǵylymdar akademııasy bar.
«Qylmyskerler akademııaǵa tıesili kompıýterlerdi, proektorlardy jáne taǵy basqa dúnıelerdi urlaǵan», - dep jazady San-Blas, urlyqshylardyń keńsedegi barlyq zattardy talqandap ketkenin qosa otyryp.
Quqyq qorǵaý organdary tergeý jumystaryn júrgizip, aıǵaqtar jınaýda. Zalaldyń quny men kúdiktiler týraly aqparat ázirge málimdelmedi.
