Karakas mýzeıinen urlanǵan Anrı Matıstiń kartınasyn AQSh bıligi Venesýelaǵa qaıtardy
ASTANA. QazAqparat - Karakastyń Qazirgi zamanǵy óner mýzeıinen urlanǵan Anrı Matıstiń «Qyzyl shalbarly qyzmetshi áıel» kartınasy Karakas bıligine qaıtaryldy.
Bul týraly eldiń mádenıet mınıstri Fıdel Barbarıto málim etti.
Onyń aıtýynsha, sarapshylar qorytyndysynan keıin sýret astanalyq mýzeıge qoıylatyn bolady.
Bul shyǵarmany Karakas murajaıy 1981 jyly Nıý-Iorktiń galareıalarynyń birinen alǵan. Matıss salǵan týyndy úshin 1925 jyly 480 myń dollar tólengen.Al qazirgi baǵasy 10-12 mıllıon dollar shamasynda.
Aldyn ala boljam boıynsha, týyndy 2002 jyly urlanǵan bolýy kerek. Tek úsh jyldan soń ǵana túpnusqanyń ornynda kóshirmesi qoıylǵandyǵy anyqtalǵan.
Venesýelalyq ónerqumar azamattyń ataqty shyǵarmanyń Maıamıde «qara» bazarda satylǵandyǵy jónindegi habarynan soń bılik izdeýdi bastaǵan. 2012 jyly kartına Florıda shtatynda kontrabandashylardan alyndy.
