Qaraqalpaqstandyq oqýshy AQSh ýnıversıtetteriniń 297 myń dollar grantyn jeńip aldy
Qaraqalpaqstannyń Nókis qalasynda prezıdent mektebi Ózbekstan Prezıdenti Sh. Mırzııaevtiń bastamasymen 2019 jyl 11 jeltoqsanda ashylǵan. Sol ýaqyttan beri mektepte daryndy balalar oqyp jatyr.
Taıaýda atalmysh mekteptiń 11 synyp oqýshysy Aryslan Qalbaev Dreksel ýnıversıtetiniń - 169 200, Halt halyqaralyq bıznes mektebiniń - 40 000, Maıamı ýnıversıtetiniń – 88 000, jalpy somasy 297 000 dollar grantyn jeńip aldy.
Aryslan Qalbaev 2004 jyl 9 tamyzda Nókis qalasynda dúnıege kelgen. Ata-anasy kórkemóner salasynda eńbek etedi. Ákesi Bazarbaı Ernııazov Nókis qalasyndaǵy mamandandyrylǵan mádenıet mektebiniń halyq áýenderi kafedrasynda Qashqar rýbab-prımadan, anasy Tamara Tájimuratova da osy mektepte hor jáne solfedjıodan sabaq beredi.
A. Qalbaev aǵylshyn tiline qyzyǵady. Mektepte pán olımpıadalaryna qatysyp, 2017 jyl qalalyq, 2018 jyl respýblıkalyq jeńimpazy bolǵan.
9-synypqa deıin Nókis qalasyndaǵy №37 arnaýly mektepte oqyǵan. Synyp jetekshisi Mýhabbat Tileýova, aǵylshyn tili pániniń muǵalimderi Qarlyǵash Álıeva men Gúlnara Erejepova A. Qalbaevqa bilim jolynda durys baǵyt-baǵdar berip, shyńdalýyna septigin tıgizdi. Ol 2019 jyl Nókis qalasyndaǵy prezıdent mektebine qabyldandy. Bul oqý ornynda izdenisterin tereńirek jalǵastyrýǵa múmkindiktiń moldyǵyn bilgen soń, 10-synyptyń ózinde-aq IELTS emtıhanyn tapsyryp, S- 1 dárejesin aldy.
«Aryslan úlgili oqýshylarymnyń biri. Bolashaǵy jarqyn bolýyna tilektespin. Basqa oqýshylarǵa jolyn bersin!» , - deıdi mekteptiń qaraqalpaq tili jáne ádebıeti muǵalimi, fılologııa boıynsha fılosofııa doktory (PhD) Gúlbahar Begmuratova.
297 000 dollar granttardy jeńip alǵan A. Qalbaev AQSh ýnıversıtetinde ekonomıkalyq bilim alyp, halyqaralyq bıznesti damytýdy armandaıdy.
