Qaraqalpaqstanda jańa gaz keni ashyldy

ASTANA. QazAqparat - Qaraqalpaqstanda jańa gaz ken orny ashyldy, dep jazady ÓzA.

2018 jyl Ózbekstannyń munaı-gaz salasy úshin mańyzdy oqıǵamen bastaldy. Qaraqalpaqstandaǵy Ústirt shoqysynan jańa gaz keni ashyldy.

Agenttiktiń jazýyna qaraǵanda, Ústirt tabıǵaty qatal óńir, onyń ústine aýyz sý tapshylyǵy qatty baıqalady. Alaıda onyń qoınaýy tabıǵat baılyqtaryna baı. Qolaısyz tabıǵat jaǵdaıyna qaramastan munda  burǵylaý munarasy men alǵashqy uńǵyma ornatylypty. Nátıjesinde 3600 metr tereńdikten gaz keni tabyldy.

Jaqyn kúnderi arnaıy mamandar kómirsýtek qoryn baǵalap, geologııalyq barlaý jumystarynyń negizgi baǵyttaryn anyqtaıtyn bolady.