Qaraqalpaqstanda tótenshe jaǵdaı rejımin jeńildep jatyr
Sáıkes sheshimdi Ózbekstan prezıdenti Shavkat Mırzıeev qabyldady, dep habarlaıdy «QazAqparat» HAA menshikti tilshisi respýblıka basshysynyń baspasóz qyzmetine silteme jasap.
«Qaraqalpaqstan Respýblıkasyndaǵy jaǵdaıdyń turaqtanýyn jáne óńir turǵyndarynyń ómirin burynǵy qalpyna qaıtarýdy nazarǵa ala otyryp, Ózbekstan Respýblıkasynyń Prezıdenti Qaraqalpaqstan aýmaǵynda engizilgen tótenshe jaǵdaı rejımin jeńildetý týraly, atap aıtqanda «21 saǵattan 7 saǵatqa deıingi» talaptyń ornyna komendanttyq saǵat qoldanylatyn jańa ýaqytty «23 saǵattan 5 saǵatqa deıin» belgileý týraly sheshim qabyldady», - dedi Ózbekstan basshysynyń baspasóz qyzmetinen.
Vedomstvoda tıisti Jarlyqqa ózgertýler engizilgenin, 2022 jylǵy 2 shildedegi Qaraqalpaqstanda tótenshe jaǵdaı engizý týraly Prezıdenttiń Jarlyǵyna qol qoıylyp, Olıı Majlıs palatasyna bekitýge jiberilgenin atap ótti.
Foto: pbs.twimg.com