Qaraqalpaqstanda arnaıy maınıng aımaǵy qurylýy múmkin
ASTANA. KAZINFORM — Qaraqalpaqstanda krıptovalıýta óndirýge mamandandyrylǵan arnaıy aımaq qurylýy múmkin. Bul týraly ÓR prezıdentiniń qaýlysynda belgilengen.
Qaýlyǵa sáıkes, 2025 jyldyń qyrkúıek aıyna deıin Qaraqalpaqstanda arnaıy maınıng aımaǵyn qurý týraly qaýly jobasy ázirlenýi tıis.
Arnaıy aımaqta maınıng úshin jańartylatyn energııa kózderin paıdalanýǵa ruqsat etiledi. Biryńǵaı elektr júıesine qosylǵan arnaıy aımaqtan elektr energııasyn paıdalanǵan jaǵdaıda arnaıy tarıfter qoldanylady.
2025 jylǵy qarashada qaýly jobasy tıisti mınıstrlikter jáne vedomstvolarmen kelise otyryp, belgilengen tártippen Mınıstrler kabınetiniń qaraýyna engiziledi.
Maınıng — bul krıptovalıýta óndirý ádisi (mysaly, bıtkoın). 2023 jyldyń qazan aıynda Ózbekstanda maınınggti paıdalanýǵa ruqsat berý tártibi týraly ereje bekitildi.
Ózbekstanda ruqsatsyz krıptovalıýta óndirýge tyıym salynǵan.
Eske sala keteıik, Qazaqstannyń qarjy naryǵynda krıptovalıýta aıyrbastaıtyn oıynshylar paıda bolady.