Qaraqalpaqstanda alǵash ret Aral mádenıet sammıti ótedi
TAShKENT. KAZINFORM - 2025 jyldyń 4-6 sáýir kúnderi Qaraqalpaqstannyń Nókis qalasynda alǵash ret Aral mádenıet sammıti ótedi, dep habarlaıdy Kazinform Ózbekstan Mádenıet pen ónerdi damytý qoryna silteme jasap.
Qor bul sammıt Aral óńirin óner, mádenıet, dızaın jáne ǵylym arqyly áleýmettik jáne ekologııalyq turǵydan ózgertýge baǵyttalǵanyn atap ótti.
Sammıt ár 18 aıda bir ret ótkizilip, Qaraqalpaqstannyń turaqty damýy úshin ekologııalyq, áleýmettik jáne mádenı sheshimderdi tabý maqsatynda jergilikti jáne halyqaralyq belsendilerdi, óner qaıratkerlerin jáne ǵalymdardy biriktiredi.
Eske sala keteıik, bul joba týraly alǵash ret 2023 jyly naýryzda BUU-nyń sý resýrstary jónindegi konferentsııasynda sóz sóılegen Ózbekstan prezıdentiniń kómekshisi Saıda Mırzıeeva aıtqan bolatyn.
Sammıtti tanystyra otyryp, ol «óner, dızaın jáne mádenıet Aral óńirindegi máseleler týraly habardar bolýda sheshýshi ról atqara alady» degen edi.