Qaraqalpaqstan men Aqtaý arasynda jolýshy tasymaldaıtyn jańa áýe reısi ashyldy
TAShKENT. KAZINFORM – 3 shildeden ózbekstandyq «Centrum Air» áýekompanııasynyń ushaqtary «Núkis – Aqtaý – Núkis» baǵyty boıynsha reıs oryndaı bastady, dep habarlaıdy Kazinform agenttiginiń menshikti tilshisi.
Jańa turaqty áýe reısiniń ashylýyna oraı Aqtaý halyqaralyq áýejaıynda saltanatty is-shara ótti. Ony Mańǵystaý oblysynyń ákimdigi men Ózbekstannyń Aqtaýdaǵy Bas konsýldyǵy uıymdastyrdy.
«Centrum Air» kompanııasynyń ushaǵy aptasyna eki ret jolaýshylar tasymaldaıdy. Ózbekstan Syrtqy ister mınıstrligine qarasty Dunyo aqparat agenttiginiń jazýynsha, bul baǵyt eki eldiń týrıstik áleýetin arttyrýǵa yqpal etedi.
Eske salaıyq, bıyl mamyrda «Astana-Samarqand» baǵyty boıynsha jańa áýe reısi ashyldy. Sonymen qatar atalǵan marshrýt boıynsha jolaýshy tasymaldaıtyn ushaqtar Túrkistan qalasyna da aıaldaıdy.