«Qaraǵandytústimet» óndiristik birlestiginiń qoımasynda órt boldy - TJM
ASTANA. Mamyrdyń 20-sy. QazAqparat - «Qaraǵandytústimet» óndiristik birlestiginiń qoımasynda órt bolyp, oqıǵanyń saldarynan eki adam zardap shekti,
dep habarlady Tótenshe jaǵdaılar mınıstrliginiń baspasóz qyzmetinen.
«Órt mamyrdyń 19-y kúni saǵat 19.10-da «Qazaqmys» korporatsııasy» seriktestigine qarasty «Qaraǵandytústi metall» óndiristik birlestigi baıytý fabrıkasynyń hımııalyq reagentter saqtalatyn qoımasynda oryn aldy», - dep habarlaıdy derek kóz.
Qutqarýshylardyń deregi boıynsha, onda shamamen 36 tonnadaı ksantogenat, 10 tonnadaı T80 reagenti, 8 tonna metılızobýtıldi keton reagenti bolǵan. Qoıma jalpy aýdany 1512 sharshymetrli birqabatty ǵımaratta ornalasqan. Iis tıip ýlanǵan 43 jáne 39 jastaǵy eki adam - reagent tıeýshi jumysshylar aýrýhanaǵa jetkizildi. Órtengen jerdiń jalpy aýdany 400 sharshymetrdi shamalaǵan.
Órt búgin tańǵy saǵat 6-larda órt sóndirý qyzmetiniń - 26 adamnyń jáne 9 tehnıkanyń kúshimen sóndirildi.
