Qaraǵandynyń jumyspen qamtý ortalyǵynda tekseristen soń syrǵyma baspaldaq ornatyldy
ASTANA. QazAqparat - Jumyspen qamtý ortalyǵynda ótkizilgen tekseristiń nátıjesi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamenti janyndaǵy Arnaıy monıtorıngtik toptyń otyrysynda málimdeldi. Keıbir kemshilikter anyqtalǵan, dep habarlaıdy oblystyq ákimdiktiń baspasóz qyzmeti.
Jumyspen qamtý ortalyǵyna pandýstyń joqtyǵyna baılanysty múmkindigi shekteýli jandar kire almaıtyny belgili bolǵan. Stendterde kórsetiletin qyzmetter tizimi ornalastyrylmaǵan. Elektrondy kezek joq. Tekserýshiler basqa da eskertpeler jasaǵan.
Tekseris mamyrda ótkizilgen bolatyn. Sol ýaqyttan beri qandaı ózgerister bolǵanyn otyrys barysynda Qaraǵandy qalasynyń jumyspen qamtý jáne áleýmettik baǵdarlamalar bóliminiń jetekshisi Bereket Jaınazarov málimdedi.
«Ǵımaratqa kireberiste biz syrǵyma baspaldaq ornattyq, biraq ázirge bizdiń mamandy shaqyrtý pernesi jumys istep turǵan joq. Bul baǵytta jumystar jasalyp jatyr, - dep habarlady ol. - Elektrondy kezek qashan paıda bolatynyn qazir aıta almaımyn, tapsyrys jetkizýshilerimen qıyndyqtar týyndap tur. Mamyrda qurylǵyny ornatý týraly baıqaý jarııaladyq, alaıda ony jeńgen kompanııany sot alaıaq memlekettik satyp alýǵa qatysýshy dep tanyldy. 15-shi qyrkúıekte qaıtadan baıqaý jarııaladyq. Barlyǵy sonyń nátıjesine baılanysty bolady».
Onyń aıtýynsha, elektrondyq kezekke arnalǵan qurylǵyny satyp alýǵa jáne ornatýǵa bıýdjetten 5,2 mln teńge bólingen eken. Taǵy 536 myń teńgeni Jumyspen qamtý ortalyǵy jarnamalyq rolıkter daıyndaýǵa jáne aqparattyq stendter ornatýǵa jumsamaq.
Arnaıy monıtorıntik toptyń músheleri Jumyspen qamtý ortalyǵynyń jetekshilerinen barlyq olqylyqtardy barynsha jyldamyraq sheshýdi talap etti.
