Qaraǵandynyń jekemenshik balabaqshalarynda memlekettik tapsyrys boıynsha oryndar sany artady
Bilim bólimi áleýetti jetkizýshiler arasynda baıqaý jarııalady. Qujattardy qabyldaý 25 shildede bastalyp, 12 tamyzǵa deıin jalǵasady, dep habarlaıdy QazAqparat tilshisi.
«Qazir qala boıynsha memlekettik bilim berý tapsyrysy boıynsha 60 jekemenshik mektepke deıingi uıymda 8846 oryn bar. Biz qosymsha 600 orynǵa baıqaý ótkizemiz. Jumys istep turǵan jáne jańa jeke kásiporyndar da qatysa alady», – dep habarlady Qaraǵandy qalasynyń bilim bólimi.
Bir balaǵa jan basyna shaqqandaǵy qarjylandyrý 41 717 teńgeni quraıdy.
Ótinimder ınklıýzıvti jáne arnaıy túzetý toptaryn ashqysy keletinderden de qabyldanady.
Konkýrs týraly habarlandyrý jáne konkýrstyq qujattamaǵa qoıylatyn talaptar Bilim bóliminiń saıtynda ornalastyrylǵan, «qujattar» bóliminde.
Qosymsha aqparatty (8-7212) 34-36-40 telefony arqyly alýǵa bolady.