Qaraǵandynyń jas dárigerleri páter aldy
QARAǴANDY. QazAqparat – Maıqudyqta Magnıtogorskaıa kóshesindegi burynǵy aýrýhananyń eski eki qabatty ǵımaraty jas dárigerler úshin yńǵaıly úıge aınaldy. Olardyń barlyǵy Qaraǵandy medıtsına ýnıversıtetiniń túlekteri. Jas mamandardyń kópshiligi №1 qalalyq aýrýhanada jumys isteıdi, dep habarlaıdy QazAqparat tilshisi.
Jańa úıde oblys ákimi Jeńis Qasymbek bolyp qaıtty.
«Sizderdiń qajyrly eńbekterińiz úshin alǵys aıtamyz. Bıylǵy jyly densaýlyq saqtaý basqarmasy medıtsına qyzmetkerleri úshin de, jalpy oblystyń medıtsınalyq mekemeleri úshin de kóp nárse isteı aldy dep sanaımyn. Kelesi jyly Ońtústik-Shyǵystaǵy kópsalaly balalar aýrýhanasynyń qurylysyn aıaqtaý, onkodıspanserdegi operatsııalyq blokty bastaý jáne aıaqtaý josparlanýda. Óńirimizdiń barlyq aýdandary men qalalarynda ortalyq medıtsınalyq mekemelerge túrli jóndeý jumystary júrgizilip, jańa jabdyqtar satyp alyndy. Oblystaǵy medıtsına bıýdjeti eki esege jýyq ósti», - dep atap ótti óńir basshysy.
Jeńis Qasymbek jańa qonystanýshylarmen tanysyp, jumys sapasyna baǵa berdi. Merdiger kompanııa barlyǵyn ózgertken. Tek syrtqy qabyrǵalar men shatyr qurylymy ǵana ózgerissiz qaldy. 1948 jyly salynǵan ǵımaratta aǵash edender bolǵan, olar da aýystyryldy. Búgin munda aýmaq abattandyrylyp, balalar alańy ornatyldy.
«Páterlerdi kimge tapsyrý kerektigin biz áleýetti mamandyqtar qaǵıdaty boıynsha komıssııa kómegimen sheshtik. Bul terapııa, hırýrgııa, gınekologııa, travmatologııa jáne t.b. Jas mamandardyń kópshiligi – bizdiń rezıdentter, olar úshin biz oqý aqysyn tóleımiz», - deıdi №1 kópsalaly aýrýhananyń dırektory Dmıtrıı Chernov.
Úıde on bir bólmeli jáne eki eki bólmeli páter bar. Olardyń árqaısysyndaǵy as úı jıhazben jáne mıkrotolqyndy pesh, tońazytqysh, kir jýǵysh mashına sekildi qajetti jabdyqtarmen jabdyqtalǵan.
«Men oblystyq perınataldyq ortalyqta eki jyl jumys isteımin. Buǵan deıin otbasymyzben eki jyl jaldamaly páterde turdyq. Meniń bes jáne alty jastaǵy eki balam bar. Qýanyshymdy sózben jetkizý qıyn», - dep bólisti reanımatolog dáriger Janar Orazbaeva.
Taǵy bir jańa páter ıesi, terapevt Sobırjon ıÝnýsov endi óz páterine aqsha jınaýdy josparlap otyr. Jigit Qazaqstannyń ońtústiginen kelgen, biraq Qaraǵandyda qalyp, jumysyn jalǵastyrýǵa nıetti.
Jalǵa beriletin turǵyn úıde tek kommýnaldyq qyzmetterdi tóleý qajet.
