Qaraǵandynyń jas ártisteri Qazaqstan týyn túrik qalasy Mersınniń boıymen alyp ótti
Qala ákimdigi ujymdy qoldap, shet eldik saparǵa baryp qaıtýǵa bıýdjetten qarajat bóldi.
Festıvalge álemniń 28 eliniń ókilderi jınaldy: Úndistan, Irak, Soltústik Kıpr, Bolgarııa, Grýzııa, Reseı, Ýkraına, Qazaqstan jáne taǵy da basqa elderden. «Volshebnaıa strana» ujymynan Túrkııaǵa 26 adamnan quralǵan jastar toby attandy.
Ujym Mersın qalasynyń basty kóshelerinde ótetin jalpy sherýde Qazaqstannyń kók baıraǵyn eki ret alyp ótti. Qaraǵandylyqtar festıval sheńberinde túrki shaharynyń úsh basty alańdarynda ótken kontsertterge qatysty. Atalmysh festıvalde «Volshebnaıa strana» tórt túrli qazaq bıin oryndady.
Ujymnyń bıleri kórermender men shet eldik mamandardyń kóńilinen shyqty. Ansambl kelesi jyly Meksıka, Bolgarııa, Rýmynııa jáne Túrkııada ótetin halyqaralyq festıvalderge shaqyrtýlar aldy.
«Volshebnaıa strana» horeografııalyq ansambl úlgili dárejesine ıe. Ujym 20 jyldan beri óner kórsetip keledi, onda 300-den astam bala bıleıdi. Ansambl qorjynynda halyqaralyq jáne respýblıkalyq festıvalder men baıqaýlarda jeńip alǵan 50 gran-prıi bar.