Qaraǵandynyń TMRA departamentine jańa dırektor taǵaıyndaldy
ASTANA. 26 shilde. QazAqparat - Maksılov Tólegen Maıameruly Tabıǵı monopolııalardy retteý agenttigi Qaraǵandy oblysy boıynsha departamentiniń dırektory bolyp taǵaıyndaldy, dep habarlady TMRA-nyń baspasóz qyzmeti.
T.Maksılov 1965 jyly dúnıege kelgen, qazaq, eki joǵary bilimi bar. 1990 jyly «qurylysshy» mamandyǵy boıynsha Pavlodar ındýstrııaldy ınstıtýtyn, 2004 jyly «memlekettik qyzmet menedjeri» mamandyǵy boıynsha QR Prezıdenti janyndaǵy Memlekettik qyzmet akademııasyn támamdaǵan.
Eńbek jolyn 1990 jyly «Transqurylys» AQ-da sheber, prorab bolyp qyzmet etýden bastady.
2001 jyldan bastap Pavlodar oblystyq tótenshe jaǵdaılar basqarmasynyń bas mamany bolyp jumys jasady, keıin Pavlodar oblysy ákimi isteriniń basqarmasyna materıaldyq-tehnıkalyq bólim basshysy etip aýystyryldy.
2004 jyldyń tamyz aıynan Pavlodar oblysy kólik jáne kommýnıkatsııa, kommýnaldyq-sharýashylyq departamenti dırektorynyń orynbasary bolyp jumys istegen.
2005 jyldyń aqpanynan bastap - Pavlodar oblysy jolaýshylar kóligi jáne avtomobıl joldary departamenti dırektorynyń orynbasary.
2009 jyldyń naýryz aıynan - Pavlodar qalalyq qurylys bóliminiń basshysy.
2010 jyldan bastap - Pavlodar oblysy ákimi apparatynda uıymdastyrý-qadaǵalaý bólminiń meńgerýshisi.
2012 jyldyń sáýir aıynan bastap QR Tabıǵı monopolııalardy retteý agenttigi tóraǵasynyń keńesshisi bolyp qyzmet atqardy.
