«Qaraǵandynyń tili qazaqsha kálımaǵa kelmeı tur» - respýblıkalyq basylymdarǵa sholý
** *
«Egemen Qazaqstan» gazeti búgingi sanynda Elbasynyń Almatyǵa sapary jaıynda jazady. Keshe Elbasy Nursultan Nazarbaev Almaty oblysyna jasaǵan jumys sapary aıasynda Hyundai Auto Trans avtokólik qurastyrý kásipornynda bolyp, otandyq avtokólik qurastyrýdy qolǵa alǵan kontsernniń aıaqalysymen tanysty. Qyrǵyz eline jasaǵan resmı saparynan keıin Prezıdent Nursultan Nazarbaev mingen ushaq Almaty halyqaralyq áýejaıyna kelip qondy. Indýstrııa jáne jańa tehnologııalar mınıstri Áset Isekeshev bastaǵan, quramynda Almaty oblysynyń ákimi Ańsar Musahanov, Almaty qalasynyń ákimi Ahmetjan Esimov bar resmı top Prezıdentti áýejaıdan kútip aldy. Elbasynyń Jetisý jerine jasaǵan jumys sapary Almaty oblysy Talǵar aýdanynda ornalasqan júk avtomobılderi men Hyundai avtobýstaryn qurastyratyn jańa zaýyttyń jumysymen tanysýdan bastaldy.
Keleshekte aýyl sharýashylyǵyna qajetti mashınalardy da qurastyrýdy kózdep otyrǵan jańa zaýyttyń jobasy Qazaqstan Respýblıkasynyń Prezıdenti Nursultan Nazarbaevtyń ótken jyldyń sáýir aıynda Ońtústik Koreıaǵa resmı sapary kezinde qol jetkizilgen kelissózdiń arqasynda belgili bolǵan edi. Sol ýaqytta «Astana Motors» Qazaq Motor Kompanııasy júk avtomobılderi men Hyundai avtobýstaryn iri toraptyq qurastyrý boıynsha Hyundai Motor Co.-men ózara túsinistik jáne áriptestik týraly memorandýmǵa qol qoıǵan. Maqala «Otandyq avtokólik ónerkásibindegi kezekti beles» degen taqyryppen berilgen.
***
«Alash aınasy» gazetiniń jazýynsha, alda-jalda Qaraǵandyǵa kelseńiz, dińgirshekterden ana tilimizdegi gazet-jýrnaldardy izdep áýre bolamaı-aq qoıyńyz. Tekke tabanyńyzdan taýsylasyz. Óıtkeni Qaraǵandyda qazaq tilindegi gazet-jýrnaldardy satatyndar saýsaqpen sanarlyq qana. Sebebi jurt qazaqsha oqymaıdy. Bar bolsa da, at tóbelindeı ǵana. Qaraǵandyda tek bir ǵana qazaqsha basylym bar. Ol - oblystyq basylym. Boldy. Ana tilimizde eń quryǵanda qalalyq bir gazeti de joq. Atap aıtqanda óndiristi ólkedegi qazaq basylymy máselesine arnalǵan maqala «Qaraǵandynyń tili qazaqsha kálımaǵa kelmeı tur» atty taqyrybymen shyqty.
Osy basylymda jas ánshi Igor Blagodarnyımen aradaǵy suhbat «Reseılik ánshilerdi tym asyra baǵalap, ózimizdi ózimiz kemsitip jatamyz» degen taqyryppen berilgen. Suhbat barysynda ónerpaz: «Meniń súıikti kompozıtorlarymnyń biri - Shámshi Qaldaıaqov. Osydan biraz ýaqyt buryn birtýar kompozıtor Shámshiniń qurmetine uıymdastyrylǵan kontsertte bir ánin sımfonııalyq orkestrmen oryndap shyqtym. Jýyrda Qytaıǵa baryp, bul kúnde aramyzda joq belgili ánshi ári sazger Ermurat Zeıiphannyń «Jaılaýym» ánine klıp túsirip qaıttym. Alla jazsa, jýyrda tyńdarmandaryma usynbaqpyn»,- deıdi.
***
«Aıqyn» gazetiniń búgingi sanynda «Eń baı jazýshylar anyqtaldy» degen taqyryppen aqparat jaryq kórdi. «Forbes» jýrnaly álemdi aýzyna qaratýmen qatar, qalam arqyly qyrýar qarajat taýyp júrgen jazýshylardy anyqtady. Sarapshylardyń derekterine qaraǵanda, ádebıet áleminde eń kóp aqsha tabatyn qalamger retinde trıller avtory Djeıms Pattersonnyń esimi ataldy. Ol osymen úshinshi jyl jyzýshylar arasyndaǵy kóshtiń aldyn bermeı keledi. D. Patterson 2011 jyldyń mamyr aıy men 2012 jyldyń mamyryna deıin 94 mıllıon dollar tapqan. Osy ýaqytta qolynan qalamy túspeıtin avtor 14 kitap jazypty.
***
«Kazahstanskaıa pravda» gazetiniń jazýynsha, óńirdiń áleýmettik-ekonomıkalyq damýymen tanysý úshin, Nursultan Nazarbaevtyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» baǵdarlamasyn júzege asyrý joldaryn talqylaý turǵysynda QR Memlekettik hatshysy Muhtar Qul-Muhammed Semeıdiń qoǵamdastyǵymen kezdesti. Sonymen qatar ol Abaıdyń memlekettik tarıhı-mádenı jáne ádebı-memorıaldyq qoryq murajaıynda boldy. Budan bólek Memlekettik hatshy osy sapary aıasynda basqa da birqatar nysandarda bolyp qaıtty. Bul materıal «Vstrechı na zemle Abaıa» taqyrybymen berilgen.
