Qaraǵandynyń temirjol vokzalynda jańa termınaldyń qurylysy bastaldy
NUR-SULTAN. QazAqparat - Qaraǵandyda temirjol vokzalyn qalpyna keltirý boıynsha jumystar kestege endi. Aımaq basshysy Erlan Qoshanovtyń synynan soń mergider fırma ótkizip alǵan merzimge jetti, dep habarlaıdy oblystyq ákimdiktiń baspasóz qyzmeti.
Eske salaıyq, oblys ákimi sáýir aıynda nysan qurylysymen tanysyp, jumystardyń baıaý jasalyp jatqanyn synǵa aldy jáne de jaǵdaıdy durystaýdy tapsyrǵandy.
Kezekti tekseris kezinde merdiger aımaq basshysyna endi barlyq jumystardyń jospar boıynsha júrip jatqanyn baıandady.
Qaıta jóndeýden keıin vokzaldyń ótkizý qabilettiligi 2,5 esege artady. Jańa qurylystyń arqasynda ǵımarat keń ári yńǵaıly bolady. Jolaýshylardyń qozǵalysy úshin perronda jer ústi ótkelderi paıda bolady, onda jedelsatylar qarastyrylǵan.
Múmkindigi shekteýli jandar úshin de barlyq múmkindikter bolady.
Qaraǵandyda temir jol vokzalynyń ǵımaraty 1956 jyly salynǵan. Sońǵy tolyq jóndeý jumystary munda 11 jyl buryn bolǵan.
Jańartylǵan vokzal jyl sońynda ashylady.
