Qaraǵandynyń temirjol vokzaly 2,1 mlrd teńgege qaıta jóndeledi
ASTANA. QazAqparat - Qaraǵandy qalasynyń temirjol vokzalyn qaıta qalypqa keltirý máselesi kópten beri talqylanyp keledi. Jóndeý jumystary 2,1 mlrd teńgeni qajet etedi, dep habarlaıdy QazAqparat oblys ákimdiginiń baspasóz qyzmetine silteme jasap.
«Qazirgi tańda jolaýshylarǵa kórsetiletin qyzmet sapasyn jaqsartý maqsatynda jáne qajetti qaýipsizdik deńgeıin qamtamasyz etý úshin Qaraǵandy qalasynyń temirjol vokzalyn qaıta qalpyna keltirý máselesi qarastyrylýda. «Qazaqstan temir joly» Ulttyq kompanııasy qazirgi tańda jobalaý-smetalyq qujattamalar daıyndaý boıynsha baıqaý jarııalaǵan. Onyń quny - 2,1 mlrd teńge», - dep atap ótti Qaraǵandy oblystyq Jolaýshylar kóligi jáne avtomobıl joldary basqarmasynyń basshysy Áskerbek Haltonov.
Josparǵa sáıkes, ekiqabatty pavılon salý qarastyrylǵan. Jańǵyrtý jumystarynan keıin vokzaldyń aldyńǵy jaǵynda qosymsha nysan paıda bolady, platformalardyń ústi jabylady.
«Qaraǵandy vokzaly arqyly táýligine 21 poıyz juby ótedi. Jeti baǵyt boıynsha qalaaralyq oblysishilik jáne qala syrtyndaǵy tasymaldar júzege asyrylady», - delingen ákimdik habarlamasynda.
