Qaraǵandynyń «Suryptaý» stansasynda órt shyqty
QARAǴANDY. QazAqparat – Qaraǵandy qalasynyń «Suryptaý» stansasynda 12 órt sóndirýshi jáne eki arnaıy tehnıka tilsiz jaýmen kúresti. Jeke úıdiń janyndaǵy qoranyń shatyry janyp ketti, órt jaqyn turǵan nysandarǵa taralmady, dep habarlaıdy QazAqparat tilshisi.
22 mamyr kúni saǵat 12:29-da «101» jelisine «Suryptaý» stansasyndaǵy órt shyqqany týraly habar kelip tústi.
Órt sóndirý bólimsheleri saǵat 12:38-te kelip jetken kezde sharýashylyq qurylystar blogynda aǵash qora janyp jatqan. Jalynǵan ornaǵan qoranyń shatyry qulaǵan. Órttiń garajdarǵa taralý qaýpi týyndaǵan.
«Órt sóndirý barysynda qordana 4 gaz ballony shyǵaryldy. Saǵat 13: 31-de órt sóndirýshiler garajdarǵa ottyń taralýyna jol bermeı, jalyndy tolyǵymen sóndirdi», - dep habarlady Qaraǵandy oblysy TJD baspasóz qyzmeti.
Órtti sóndirýge Qaraǵandy oblysy TJD №12 (Suryptaý) jáne №7 (Maıqudyq) órt sóndirý bólimderiniń jeke quramynan 12 adam jáne 2 tehnıka jumyldyryldy.
