Qaraǵandynyń Shet aýdanynda barymtashylar jaıylymda júrgen 23 jylqyny aıdap áketti
ASTANA. Mamyrdyń 5-i. QazAqparat /Aıdar Ospanalıev/ - Qaraǵandynyń Shet aýdanynda bolǵan qaraqshylyq árekettiń joly kesildi.
Barymtashylar onda jaıylymda júrgen 23 bas jylqyny aıdap áketken. Bul týraly búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Maly urlanǵan azamattar barymtashylardy urlyq ústinde baıqap qalyp, olardyń izderine túsken. Alaıda urylar oq atyp, qashyp ketken. Jedel-izdestirý sharalarynyń barysynda osy oblystyń eki turǵyny ustalyp, urlanǵan jylqylar tabyldy. Barymtashylardyń kólikteri tárkilendi. Qazirgi ýaqytta ózge de sybaılastaryn ustaý boıynsha tısti sharalar atqarylýda. «Al Pavlodarda kontrafaktilik ónim taratýmen aınalysyp júrgen jergilikti eki turǵyn quryqtaldy. Tekserý barysynda olardyń jalǵa alǵan ofısterinen 866 kontrafaktilik ónip tabyldy. Olardyń 27-si pornografııalyq fılmder jazylǵan dıskiler. Sondaı-aq 840 aýdıo jáne vıdeodıskiler men 4 kontrafaktilik ónimderdi satylǵandyǵyn jónindegi jýrnal tabyldy. Osy ýaqytta kontrafaktilik ónimderdiń qandaı jolmen daıyndalǵandyǵy jónindegi málimetterdi anyqtaý maqsatynda tıisti sharalar júrgizilýde», dedi departament bastyǵy.
