Qaraǵandynyń «Shahter» fýtbol klýbyna jańa bapker taǵaıyndaldy

QARAǴANDY. QazAqparat - Qaraǵandynyń «Shahter» FK men ýkraındyq maman Vıacheslav Groznyı eki jaqty kelisimi boıynsha eńbek shartyn buzdy. «Kenshilerdiń» bas bapkeri laýazymyna 43 jastaǵy Konstantın Gorovenko taǵaıyndaldy, dep habarlaıdy QazAqparat tilshisi.

«Shahter» fýtbol klýby 18 maýsymda qazaqstandyq maman Konstantın Gorovenkomen kelisimshartqa qol qoıdy.

Fýtbolshylar tálimgeri mansabyn ol 2010 jyly «Suńqar» FK bas bapkeriniń kómekshisi retinde bastady, ári qaraı «Qaırat-1998» almatylyq komandasynyń bas bapkeri bolyp jumys istedi. 2015 jyly «sary-qaralar» negizgi komandasynyń bas jattyqtyrýshysynyń assıstenti bolyp taǵaıyndaldy, onymen birge Premer-Lıga, QR Kýbogy, QR Sýperkýbogy jáne Eýropa Lıgasynyń biliktilik raýndtarynyń qatysýshysy boldy. 2017 jyly birinshi lıganyń «Qaırat A» klýbyn basqardy.

Sońǵy eki maýsymda Konstantın Gorovenko «Jetisý B» komandasyn basqardy.

Onyń bapkerler shtabyna qaraǵandylyq jankúıerlerge jaqsy tanys qaqpashylardyń tálimgeri Valerıı Sıtalo kirdi.