Qaraǵandynyń Ortalyq saıabaǵynda myń aǵash otyrǵyzyldy
ASTANA. QazAqparat - Búgin Qaraǵandynyń Ortalyq mádenıet jáne demalys saıabaǵynda bir myń aǵash otyrǵyzyldy. Senbilikke Qaraǵandy oblysynyń ákimi Erlan Qoshanov, «Nur Otan» partııasynyń músheleri, JOO jáne kolledj stýdentteri, qutqarý qyzmetiniń mamanary, qalalyq jáne oblystyq máslıhat depatýttary qatysty, dep habarlaıdy óńir basshysynyń resmı saıty.
Jańa kóshetter saıabaqtyń batys bóliginde, Erjanov kóshesi jaǵynda otyrǵyzyldy.
Ótken jyly qalypqa keltirý jumystarynyń saldarynan 60-qa jýyq aǵashty kesip tastaýǵa týra kelgen.
«Aǵashtardy kesý josparǵa saı júrgizildi. Biraq sondaı-aq josparda olardyń ornyn toltyryp, aǵashtar otyrǵyzyp, qosymsha kógaldandyrý jumystary da qarastyrylǵan. Búgin 600 qaraǵaı jáne 400 úıeńki, jóke jáne qaıyń kóshetteri otyrǵyzyldy. Olar aptasyna eki ret sýarylyp otyrady, sonymen birge eki jyl kóleminde ol kóshetterdi jersinip ketkenshe baptaıtyn bolamyz. Biz monıtorıng ótkizdik: saıabaqtar men gúl baqtary basqarmasynyń qyzmetkerleri otyrǵyzǵan aǵashtar 92% jaǵdaıda beıimdelip, jersinip ketedi», - deıdi saıabaqtar jáne gúl baqtary basqarmasynyń basshysy Rýstam Kódebaev.
Barlyq kóshetter qaraǵandylyq saıajaıda ósirilgen jáne jergilikti klımatqa beıimdelgen.
Kúzde saıabaqtyń batys bóliginde taǵy 300 aǵash otyrǵyzylady. Olardyń 150-i qylqanjapyraqty bolsa, qalǵan 150-i japyraqty aǵashtar bolady.
